最近自己就係忙緊宣傳Fabel新碟「SH叫T」，其實分別係 ”SHOUT” 同埋 ”叫”嘅中英混合版本名稱。碟內嘅８首歌都記錄住我地呢四年對身邊呢個社會發生嘅事，或者係身邊嘅人發生嘅事，係音樂上有一個總結。音樂人樂隊同歌手始終都會對出大碟有一個情意結，即使知道呢個時代下數碼音樂嘅影響力輕易超過實體專輯，實體唱片可以播放嘅機會只係停留係屋企或者係汽車之中，但實體唱片對音樂界一直以來嘅代表性實在不能改變，就好似音樂人嘅一張身分證，一張屬於我地嘅卡片，甚至會用心血結晶品黎形容！